سوشل میڈیا پرایک دلچسپ ویڈیو وائرل ہو رہی ہے جس میں دو ہاتھی گنے سے بھرے ٹرک سے گنا چوری کر کے مزے سےکھارہے ہیں۔ویڈیو پر صارفین کی جانب دلچسپ ردعمل کا اظہار کیا جارہا ہے۔
سوشل میڈیا پر وائرل ویڈیو میں دیکھا جا سکتا ہے کہ دو ہاتھیوں کو گاڑیوں پر ایک مقام سے کسی دوسرے مقام پر منتقل کیا جا رہا ہے اور اس دوران گاڑیاں سڑک پر ایک سگنل پر رک جاتی ہیں۔
ویڈیو میں دیکھا جا سکتا ہے کہ سڑک پر گنے سے بھرا ایک ٹرک بھی موجود ہے اور وہ ہاتھیوں والے ٹرکوں سے کافی فاصلے پر ہے لیکن ہاتھی اپنی لمبی سونڈ کی مدد سے ٹرک سے گنے نکال نکال کر مزے سے کھا رہے ہیں۔