لندن (نمائندہ خصوصی)لندن کے ایک مقامی ہال میں کمیونٹی رہنماء جنید علی کی ز یر سرپرستی ہوپ فار ہیومینیٹی hope for humanity کی جانب سے کرسمس کے حوالے سے تقریب کا ا نعقاد کیا گیا ۔
تقریب میں میئرز، ایم پیز، سیاسی و سماجی رہنماؤں سمیت ہر مکتبۂ فکر سے تعلق رکھنے والے افراد نے شرکت کی۔تقریب میں hope for humanity کی جانب سے اس خوشی کے موقع پر بچوں میں تحائف تقسیم گئے ۔بچوں نے کرسمس کی مناسبت سے کرسمس سونگ سنائے جبکہ تقریب میں موجود برطانیہ کے مشہور میوزک بینڈ Girls Got Soulنے گانا گا کر تقریب کا مزہ دوبالا کر دیا۔
بچوں نے کرسمس کی مناسبت سے لباس زیب تن کر کے شرکت کی اور خوب ہلا گلا کیا،کرسمس پارٹی میں فیملیز کی کثیر تعداد شریک ہوئی اور بچوں کے ساتھ پارٹی سے خوب لطف اٹھایا اور منتظمین کی کاوشوں کو بھی سراہا۔
اس موقع پر فلاحی تنظیم ہوپ فار ہیومینیٹی کے آرگنائزر جنید علی کا کہنا تھا کہ کرسمس پارٹی میں مختلف کمیونٹیز کے بچوں نے شرکت کی،ہلا گلا کیا اور خوب محظوظ ہوئے۔ا نہوں نے مزید کہا کہ بچوں نے کرسمس پار ٹی میں خوب انجوائے کیا ، اس پارٹی میں ہم نے میوزیکل شو اور انٹرٹینمنٹ شو کا بھی انتظام کر رکھا تھا ۔
تقریب میں ممبر پارلیمنٹ سٹیفن ٹیم سمیت کونسلرز اور دیگر شخصیات نے بھی شرکت کی۔کرسمس پارٹی میں بچوں کیلئے مختلف سٹالز بھی سجائے گئے تھے جبکہ پولیس نے مختلف کرسمس دھنوں پر پرفارمنس بھی پیش کی۔
ہوپ فار ہیومینیٹی کے زیر اہتمام کرسمس پارٹی کی تصویری جھلکیاں
