پیرس(سید شاہ زیب ارشد)حافظ اقبال اعظم اور چوہدری شہباز کسانہ کی عمرہ کی ادائیگی سے واپسی ، شاذب مہربان کی پیرس آمد، چوہدری فرحت گوندل اور چوہدری غلام عباس چٹھہ کو فرانس کے پیپر ملنے کی خوشی میں کاروباری شخصیت چوہدری افضل لنگاہ کی جانب سے پرتکلف اعشائیہ کا اہتمام کیا گیا۔
اعشائیہ کا اہتمام پیرس کے دل لاکورنیو میں واقع’’لاہور ریسٹورنٹ‘‘میں کیاگیا ، تقریب میں پیرس کی کاروباری ،مذہبی، سیاسی و سماجی شخصیات کے علاوہ پیرس کی کاروباری شخصیت محمد افراسیاب ، چیئرمین مسلم لیگ ن فرانس راجہ علی اصغر، سماجی شخصیت چوہدری ساجد ویرووال ،چوہدری اشفاق چٹھہ ، چوہدری اختر ، احمد تارڑ اور چوہدری رفاقت لنگاہ نے بھی شرکت کی۔
اس موقع پر شرکاء محفل نے حافظ اقبال اعظم اور چوہدری شہباز کسانہ کو عمرہ کی ادائیگی پر مبارکباد دی، اس موقع پر حافظ اقبال اعظم نے امت مسلمہ کی خوشحالی اور پاکستان کی سلامتی کیلئے خصوصی دعا بھی کرائی۔
چوہدری شہباز کسانہ ،شاذب مہربان ،چوہدری فرحت گوندل اور چوہدری غلام عباس چٹھہ نے پرتکلف اعشائیہ کا اہتمام کرنے پر چوہدری افضل لنگاہ کا تہہ دل سے شکریہ ادا کیا۔