ایتھنز(نمائندہ خصوصی)یونان میں معروف صحافی خالد مغل پاکستان جرنلسٹس کلب رجسٹرڈ یونان کے نئے صدر منتخب ہو گئے ۔
تفصیلات کے مطابق جرنلسٹس کلب کی الیکشن کمیٹی نے آج ایتھنز میں نتخابات کا انعقاد کروایا ۔جس میں 20 کے قریب اراکین نے اپنے ووٹ کا استعمال کیا ۔نو منتخب صدر خالد مغل نے کمیونٹی اور ملک و قوم کی بہتری کیلئے پوری توانائی سے کام کرنے کے عزم کا اظہار کیا۔اس موقع پر موجود صحافیوں نے صدر منتخب ہونے پر خالد مغل کو مبارکباد پیش کی اور الیکشن کمیٹی آف پاکستان جرنلسٹس کلب رجسٹرڈ یونان کو شفاف و غیر جانبدارانہ انتخابات کروانے پر خراج تحسین پیش کیا ۔شرکا نے پاکستان جرنلسٹس کلب رجسٹرڈ یونان کی قانونی تکمیل کروانے پر سابق صدر احسان اللہ خان کو بھرپور خراج تحسین پیش کیا ۔
نو منتخب صدر خالد مغل سمیت دیگر اراکین نے ایسے تمام صحافیوں کو کلب میں شامل کرنے کا عندیہ دیا جو ابھی تک کلب سے باہر ہیں ماسوائے ان عناصر کے جو اخلاقی طور پر صحافیوں اور صحافت کی سبکی کا باعث بنے ہیں ۔
نو منتخب صدر نے کہا کہ صحافت کے اخلاقی مجرم بھی توبہ اور معذرت کے راستے کلب میں شامل ہو سکتے ہیں ۔صدارتی الیکشن میں حق رائے دہی استعمال کرنے والے صحافیوں نے پاکستان جرنلسٹس کلب رجسٹرڈ یونان کے پلیٹ فارم کو مضبوط کرنے اور ملک و قوم کی فلاح کیلئے اپنا بھرپور کردار ادا کرنے کے عزم کا اظہار کیا ۔