لندن(وسیم چوہدری)لندن میڈیا کرکٹ کلب نے پاکستان اپنے دورے کےدوران لاہور میں منہاج یورنیورسٹی کا دورہ کیا،ڈپٹی چیئر مین بورڈ آف گورنر ز ڈاکٹر حسین محی الدین قادری سے ملاقات کی اور منہاج یونیورسٹی سمیت اہم امور اور منہاج ویلفیئر فاؤنڈیشن کے مختلف فلاحی پراجیکٹس پر تبادلہ خیال کیا گیا ۔
منہاج یونیورسٹی پہنچنے پر لندن میڈیا ٹیم کو وائس چانسلر منہاج یونیورسٹی ڈاکٹر ساجد بشیر نے بھرپور ویلکم کیا گیا، منہاج یونیورسٹی کے ڈائریکٹر ایڈمنسٹریشن منہاج یونیورسٹی میجر ریٹائرڈ سلمان جہانگیر نے مختلف ڈپارٹمنٹس بالخصوص ماس کمیونیکشز ڈیپارٹمنٹ کا وزٹ کروایا اور اسٹیٹ آف دی آرٹ ماس کمیونیکیشن ڈیپارٹمنٹ کو مثالی قرار دیا۔
دورے کے دوران لندن میڈیا ٹیم کے کپتان غلام حسین اعوان،پاکستان پریس کلب برطانیہ کے صدر شوکت ڈار، کوثر کاظمی، طاہر چودھری، کاشف علی،سعید نیازی، سلیم صابری، اطہر عباسی ، دیگر ٹیم اراکین نے ڈپٹی چیئر مین بورڈ آف گورنر ز منہاج یونیورسٹی ڈاکٹر حسین محی الدین قادری، پروفیسر ڈاکٹر طاہر القادری کی پاکستان میں تعلیمی و فلاحی شعبے میں خدمات کو خراج تحسین پیش کیا۔
ڈپٹی چیئر مین بورڈ آف گورنر ز ڈاکٹر حسین محی الدین قادری نے پاکستانی نژاد برطانوی صحافیوں کی خدمات کو سراہا، پاکستان کے مثبت امیج کو اجاگر کرنے کی ضرورت پر زور دیا ڈاکٹر حسین محی الدین قادری کا کہنا تھا کہ منہاج یونیورسٹی سے فارغ التحصیل طلبا نیشنل اور انٹرنیشنل سطح پر نمایاں خدمات انجام دے رہے ہیں ،لندن میڈیا کرکٹ کلب کو پاکستان دورے کے دوران ہر ممکن تعاون کی یقین دہانی کرائی۔