لاہورکے نواحی علاقے ہلوکی کے قریب ویگن نالے میں گرنے سے 6 افراد جاں بحق اور 3 زخمی ہوگئے۔
ریسکیو ذرائع کے مطابق حادثہ تیز رفتاری کے باعث پیش آیا،حادثے میں مرنے والوں کی لاشیں اور زخمی نالے سے نکال لیےگئے ہیں اور انہیں ہسپتال منتقل کردیا گیا ہے۔
پولیس کے مطابق حادثے میں جاں بحق ہونے والوں میں 4 بچے اور 2 خواتین شامل ہیں۔
پولیس کا کہنا ہےکہ مسافروں کو لےکر جانے والی ویگن ٹریکٹر ٹرالی کی ٹکر سےگندے نالے میں گری،حادثے میں جاں بحق افراد کا تعلق ایک ہی خاندان سے ہے۔