قومی فاسٹ بولر محمد حسنین کا بولنگ ایکشن مشکوک قرار

سڈنی: بگ بیش لیگ میں قومی ٹیم کے فاسٹ بولر محمد حسنین کا بولنگ ایکشن مشکوک قرار دے دیا گیا۔

قومی ٹیم کے فاسٹ بولر محمد حسنین بگ بیش لیگ میں سڈنی ٹھنڈر کی نمائندگی کررہے تھے۔ لیگ میں امپائر نے ان کا بولنگ ایکشن رپورٹ کیا۔

ترجمان پی سی بی کے مطابق محمد حسنین کا لاہور میں بولنگ ایکشن ٹیسٹ کیا جائے گا، ان کا ٹیسٹ آئی سی سی سے منظور شدہ لیبارٹری میں ہوگا۔

بگ بیش لیگ کے رواں سیزن میں محمد حسنین ٹیم سڈنی ٹھنڈر کی نمائندگی کررہے تھے، حسنین شاندار بولنگ کرتے ہوئے ایک ہی اوورز میں 3 کھلاڑیوں کو پویلین کی راہ دکھائی تھی۔

علاوہ ازیں محمد حسنین نے بگ بیش کے میچ میں 96 ایم پی ایچ کی رفتار سے بولنگ بھی کی تھی۔

واضح رہے کہ محمد حسنین 75 ٹی ٹوینٹی انٹرنیشنل میچز کھیل چکے ہیں اور انہوں نے 92 وکٹیں حاصل کررکھی ہیں۔

اپنا تبصرہ بھیجیں