دنیائے فٹبال کے نامور کھلاڑی کرسٹیانو رونالڈو انسٹاگرام پر 40 کروڑ فالوورز حاصل کرنے والے دنیا کے پہلے انسان بن گئے۔
پرتگال کے نامور فٹ بالر کرسٹیانو رونالڈو نے نہ صرف فٹ بال کی دنیا میں اپنا نام بنایا بلکہ اب انہوں نے انسٹاگرام پر 40 کروڑ فالوورز رکھنے والی شخصیت بن کر ایک اہم سنگ میل عبور کر لیا ہے۔
رونالڈو انسٹاگرام پر 40 کروڑ فالوورز حاصل کرنے والے دنیا کے پہلے انسان بن گئے۔ —فوٹو اسکرین شاٹ رونالڈو انسٹاگرام
انسٹاگرام پر سب سے زیادہ فالوورز رکھنے والی شخصیت میں کرسٹیانو رونالڈو کے بعد دوسرے نمبر پرامریکی سوشل میڈیا اسٹار، بزنس ویمن اور ماڈل کائیلی جینر ہیں جن کے فالوورز کی تعداد 30کروڑ 90 لاکھ ہے۔
اس کے علاوہ انسٹاگرام پر سب سے زیادہ فالو کی جانے والی شخصیات کی فہرست میں تیسرے نمبر پر ارجنٹائن کے فٹبالر لیونل میسی جبکہ چوتھا نمبر ہالی وڈ اداکار ڈیوائن جانسن کا ہے ۔
میسی کے انسٹاگرام پر 30 کروڑ 60 لاکھ جبکہ ڈیوائن کے 29 کروڑ سے زائد فالوورز ہیں۔